പ്രണയം, എന്നെ വട്ടു പിടിപ്പിക്കുന്നു
കാല്പനികതയുടെ ലോകത്തേക്ക്
വലിച്ചടുപ്പിക്കുന്നു ...
വാക്കുകളുടെ ഹീനമായ മുഖം
തുറന്നു കാട്ടുന്നു ...
ഓർമകളുടെ പുസ്തകത്തിലെ
വർണ്ണത്താളുകളിൽ
വിറയാർന്ന കൈകളാൽ കോരിവരച്ച രൂപം
മനസ്സിൽ ആളിക്കത്തിക്കുന്നു
അതെ,
മനസ്സിൽ മഴയായും, തണുപ്പായും
അരിച്ചിറങ്ങി നിഞ്ചിൽ കെട്ടി നിന്നെന്നെ
കഷായപ്പനി കൊള്ളിച്ച
നിന്‍റെ പ്രണയം ...
ഓർമകളുടെ അതിപ്രസരത്താൽ
കാലത്തിനും മായ്ക്കാനാവുന്നില്ല
അത് ചിലപ്പോൾ
എനിക്കും നിനക്കും ഇടയിലെ അതിർ വരമ്പുകൾ
ഇല്ലാതാക്കിയ ഒരു വികാരമായിരിക്കാം ...
നീ എന്‍റെതാണ് എന്ന അഹങ്കാരത്തിനു മേൽ
തുളഞ്ഞു കയറിയ ഇരുമ്പ് പാളി പോലും
ഇന്നു ദ്രവിച്ചു പൊയിരിക്കുന്നു..
പക്ഷെ
ഒന്നെനിക്കറിയാം
നീ എന്ന പ്രണയം ...
അതെന്നെ അന്നും, ഇന്നും, എന്നും
വേദനിപ്പിച്ചു കൊണ്ടിരിക്കുന്നു ...
No comments:
Post a Comment