"ഇന്നെനിക്ക് എത്ര ശ്രമിച്ചിട്ടും മഴയെ ഇഷ്ട്ടപെടാന്‍ ആവുന്നില്ല, നീ നല്‍കുന്ന തണുപ്പ് എന്‍റെ ഓര്‍മകളെ വല്ലാതെ നൊമ്പരപ്പെടുത്തുന്നു. എന്‍റെ നെഞ്ചിന്‍ കൂടിന്നും അപ്പുറം, നിന്‍റെ തണുപ്പില്‍, എന്‍റെ പ്രണയിനി, മറ്റൊരാളുടെ നെഞ്ചില്‍ ശയിക്കുമ്പോള്‍, എങ്ങിനെയാണ് എനിക്ക് നിന്നെ ഇഷ്ട്ടപ്പെടാനാവുക..."
മഴ ഓര്‍മകളുടെ നൊമ്പരം പോലെ , സ്വപ്നങ്ങളുടെ ഭാവം പോലെ, വെളുത്ത മഴത്തുള്ളികള്‍ വീണിടത്ത് ഒരു അടയാളം മാത്രം ശേഷിപ്പിച്ചു, ചിലപ്പോള്‍ കൂട്ടത്തില്‍ കൂടി എവിടെയോ അപ്രത്യക്ഷമാവുന്നു.
ഒന്നുറങ്ങണമെന്നുണ്ടെനിക്ക്, ഒരിക്കൽ‍ പോലും നിന്നെ ഓർക്കാതെ. പക്ഷെ, ഇനിയും നീ എന്‍റെതല്ലെന്ന സത്യമുൾക്കൊള്ളാൻ എനിക്കുള്ളിൽ‍ ഉണർ‍ന്നിരിക്കുന്ന, നീയെന്ന പ്രണയം വിസമ്മദിക്കുന്നു...

19 March 2016

സ്വർഗവാതിലിൽ







































അയാൾ മരിച്ചിരിക്കുന്നു ..
ഡോക്ടറുടെ സ്ഥിരീകരണം ..

ആർക്കും മിഴി നൽകാതെ ആത്മാവിനേയും കൂട്ടി ചിത്രഗുപ്തൻ അതിനകം തന്നെ സ്ഥലം വിട്ടിരുന്നു

ചാനൽ ചർച്ചകൾ
കണ്ണീരിൽ കുതിർന്ന നുണ പറച്ചിലുകൾ

സ്വർഗവാതിലിൽ ആത്മാവിന്റെ കാത്തുനിൽപ്പ്
അവിടത്തെ എൽ ഇ ഡി സ്ക്രീനിൽ തന്റെ മരണ വാർത്തയുടെ
തത്സമയ ചർച്ചകൾ കണ്ടു വീർപ്പുമുട്ടി നില്ക്കുന്ന ആത്മാവിനോടായി ദൈവം

"താങ്കൾ ഇപ്പോൾ മറ്റൊരു ലോകത്തേക്ക് പ്രവേശിക്കുകയാണ്, ആ ലോകത്തെ രണ്ടു രാജ്യങ്ങൾ, അതിൽ എവിടേക്ക് പോകണം എന്ന് തീരുമാനിക്കാൻ ചില ചോദ്യങ്ങൾക്ക് നിങ്ങൾ ഉത്തരങ്ങൾ നല്കണം "

ആത്മാവിന്റെ മുഖത്ത് ആകാംഷ

ദൈവത്തിന്റെ ആദ്യത്തെ ചോദ്യം - നിങ്ങൾ ഭൂമിയിൽ വെച്ചു ചെയ്ത പത്തു നല്ല കാര്യങ്ങൾ പറയാൻ ആയിരുന്നു, രണ്ടാമത്തേത് പത്തു ചീത്ത കാര്യങ്ങളും

ചോദ്യം എന്തു തന്നെ ആയാലും ആത്മാവ് ആഗ്രഹിച്ചിടത്തു തന്നെ എത്തി
അതെവിടെയായിരിക്കും ?

31 January 2016

ഓർമച്ചിതലുകൾ


അതൊരൊർമ്മച്ചിതലാണ് ...

പണ്ടെപ്പോളോ മനസ്സിൽ എഴുതി  നിറക്കാതെ പോയ
ചിതൽ താളുകൾ ..

അതിന്നലെ വീണ്ടുമെന്നെ തേടിയെത്തി ...
കാലം ഒരുപാട് പിന്നിട്ടിരിക്കുന്നു...

ആ താളുകൾക്കുള്ളിൽ മറഞ്ഞിരിക്കുന്ന
ചില ചോദ്യങ്ങൾ ബാക്കിയാക്കി ...

പണ്ട്, കോളേജ് ലൈബ്രറിയുടെ വരാന്തയിൽ കണ്ട
ഒരു പേടിതൊണ്ടി പെണ്ണ് ..

കാലം അവളെ കുറേ മാറ്റിയിരിക്കുന്നു
അവളിന്നു  കൂടുതൽ സുന്ദരിയായിരിക്കുന്നു..
കൂടുതൽ സംസാരിക്കാൻ തുടങ്ങിയിരിക്കുന്നു ...
അവളുടെ ഭാഷയിൽ പറഞ്ഞാൽ 'കുറേ ബോൾഡ് ആയിരിക്കുന്നു'

എന്തിനാണ് അന്നാ താളുകളിൽ ചിലത് കീറിയെറിഞ്ഞു അവൾ പോയതെന്നറിയാൻ മനസു കുറേ ആശിച്ചിരുന്നു

ഇനിയതറിയണ്ടാ ചിലപ്പോളതവളെ വിഷമിപ്പിക്കലാവും ..
ആഹ് ചില സത്യങ്ങൾ അതങ്ങനെ തന്നെ ഇരിക്കട്ടെ അല്ലെ  ..

പക്ഷെ, നീണ്ട ഒൻപതു വർഷങ്ങളുടെ മൗനം
അതൊരു നഷ്ട്ടം തന്നെയാണ്
ഇനിയൊരിക്കലും വീണ്ടെടുക്കാൻ പറ്റാത്ത
വലിയ നഷ്ട്ടം

പ്രണയം അത് വാക്കിനെക്കാൾ മനോഹരമാവുന്നത്
നഷ്ട്ടപെട്ടതിൽ ചിലതു തിരിച്ചു കിട്ടുമ്പോൾ തന്നെയാണ്...

കാലമിപ്പോൾ മുഖം തിരിഞ്ഞു നിന്ന് ചിരിക്കുന്നുണ്ടാവും,
ആ പഴയ കടലാസു കഷണങ്ങളെ ഇവനിനി
എന്തു ചെയ്യുമെന്നോർത്ത് ... അതെനിക്കിന്നു കണ്ണീരും ...

08 January 2016

സ്നേഹത്തോടെ വിട ചൊല്ലുന്നു, മറക്കില്ല നിന്നെ ഒരിക്കലും.


ഒരു മഴ പെയ്തു തോർന്നിരിക്കുന്നു, ഇനി എന്നോടൊപ്പം മഴനനയാൻ ക്ലാരയുണ്ടാവില്ലെന്ന് ഇന്നലെയാണറിഞ്ഞത്.

വെറുമൊരു മഴക്കാലമല്ല ജീവിതത്തിൽനിന്നകന്നത് മറിച്ച് എന്നുമെന്നെ പെയ്തു നനയിക്കാൻ നീയുണ്ടാകുമെന്ന വിശ്വാസമാണ് ഒരുപാട് വിങ്ങലുകൾക്കൊപ്പം ഇന്നലെ അന്യമായത്

23 December 2015

ജോസൂട്ടിക്ക് ഇനിയും പറയാനുണ്ടേ ...

ഞാനിപ്പോളും ജോസൂട്ടി യോടൊപ്പമാണ്

ജിത്തു ജോസഫ്‌ ന്‍റെ "Life of Josutti" കണ്ടു തീർന്നിട്ടും, മനസ്സിൽ ജോസൂട്ടി ഇനിയും കുറേയേറെ പറയാൻ ബാക്കിവെച്ച് മുന്നിൽ തന്നെ നിൽക്കുകയാണ്.

ഈ ചിത്രം കണ്ട ദിവസം വിഞ്ചി എന്നെ വിളിച്ചു പറഞ്ഞ വാക്കുകൾ ഇന്നും മനസിലുണ്ട് എന്നിട്ടും എന്തുകൊണ്ടാണ് കാണാൻ വൈകിയത് എന്ന് ചോദിച്ചാൽ "എല്ലാറ്റിനും അതിന്‍റെതായ സമയമില്ലേ ദാസാ" എന്നെ മറുപടിയുള്ളൂ.

ഞാനും ജോസൂട്ടിയും തമ്മിൽ എന്താണ് ബന്ധം..

പണ്ടെ എനിക്കായി മാത്രം ദൈവത്തോട് പ്രാർഥിക്കാൻ ഒന്നും ഉണ്ടായിരുന്നില്ല
അതിൽ വീട്ടുകാരും, കൂട്ടുകാരും, പ്രിയപ്പെട്ടവരും മാത്രമേ ഉണ്ടായുള്ളൂ

മറ്റുള്ളവരുടെ ഭാഗത്ത്‌ നിന്ന് ചിന്തിക്കാൻ ജോസൂട്ടിയെ പഠിപ്പിക്കുന്നത് അച്ഛനാണെങ്കിൽ എനിക്കത് ഒൻപതാം ക്ലാസ്സിലെ പ്രിയകൂട്ടുകാരൻ ഷോണിയാണ്

ആരുടേയും മനസ് വിഷമിക്കുന്നത് എനിക്ക് ഇഷ്ട്ടമല്ല, പലപ്പോളും അവരുടെ വേദനയിൽ ചേർന്ന് നില്ക്കാതിരിക്കാൻ കഴിയാറില്ല

ജീവിതത്തിൽ പരിചയപ്പെടുന്ന ഓരോ വ്യക്തികളും ഓരോ അധ്യായങ്ങളായി തന്നെ നിറഞ്ഞു നിൽക്കാറുണ്ട് ജീവിതത്തിൽ, പക്ഷെ ഓരോ കാലഘട്ടങ്ങളിൽ അവർ ഓരോരുത്തരും അവരവരുടെ ഭാഗങ്ങൾ പൂർത്തിയാക്കി ഓരോ പേജിതളുകളിലേക്ക് മറയുമ്പോൾ മറയാതെ മായാതെ ചിലർ മാത്രം എല്ലാ പേജിലും നിറഞ്ഞു നിൽക്കാറുണ്ട് പേനയിലെ കട്ടി മഷി തീർന്നുപോയെന്നറിഞ്ഞിട്ടു പോലും

ജീവിതത്തിൽ ആദ്യത്തെ പ്രണയം ഒരിക്കലും മറക്കാൻ കഴിയില്ലെന്ന് പറയുന്നതിനേക്കാൾ യഥാർത്ഥ പ്രണയം എന്നതായിരിക്കും ശരി

ചിലപ്പോൾ അത് നഷ്ട്ടപ്പെടാതിരിക്കുന്നത്, നേടാൻ ആവാത്തതിനാൽ തന്നെയാണ് അല്ലെങ്കിൽ "വന്ദനം" സിനിമ നമ്മൾ എന്നേ മറന്നു കളഞ്ഞേനെ

അച്ഛന്‍റെ നന്മയെ ജീവനായ് കൊണ്ട് നടന്നിട്ട് എന്ത് നേടി എന്ന നിസ്സഹായത ജോസ്സുട്ടിയെ പ്പോലെ എന്നെയും പലതും പഠിപ്പിച്ചു കൊണ്ടിരിക്കുന്നു

ചിലപ്പോൾ ഈ ചിത്രത്തിലെ പല അവസ്ഥകളിലും നേരിട്ടോ അല്ലാതെയോ ഞാനും സഞ്ചരിച്ചു കഴിഞ്ഞിരിക്കുന്നു എന്ന ചില അറിവുകൾ, പക്ഷെ ഒരിക്കലും എന്‍റെ ശരികൾ എന്ന അതിർ വരമ്പുകൾക്ക് അപ്പുറത്തേക്ക് ഞാനാരെയും കടത്തിവിടാറില്ല

എന്‍റെചിന്തകളും, പ്രവർത്തികളും കൊണ്ട് നിറഞ്ഞു നിന്ന ഒരു ചിത്രം അതെനിക്ക് മുന്നിൽ സമ്മാനിച്ച ജിത്തു ജൊസെഫിനു നന്ദി ,

പക്ഷെ ജോസ്സൂട്ടിക്കു ഇനിയും കുറേയേറെ പറയാനുണ്ട് അത് കേൾക്കാൻ ആരൊക്കെയോ കൂടെതന്നെയുണ്ട് ...

11 November 2015

നന്മയും - തിന്മയും





















ഒരു പുസ്തകം അത് എഴുതിയ ആളുടെ മനസും,
ചിന്തകളും തമ്മിൽ കെട്ടുപിണഞ്ഞു കിടക്കുന്നതാണ്

അടുത്തിടെ നവ മാധ്യമങ്ങളിലൂടെ പ്രശസ്തയായ
ദീപ നിശാന്ത് എന്ന ദീപ ടീച്ചറുടെ
"കുന്നോളമുണ്ടല്ലോ ഭൂതകാലക്കുളിർ" എന്ന
പുസ്തകം വായിക്കാൻ ഇടയായി

ഷാർജ പുസ്തകോത്സവത്തിൽ തീർത്തും
യാത്രിശ്ചികമായി കണ്ട ഒരു പുസ്തകം
വെറുതെ തുറന്നു കണ്ണോടിച്ചപ്പോൾ
വാങ്ങാം എന്ന് തോന്നി

അതിലെ സോളമനോടുള്ള ആരാധനയും,
ജാതി പറയുന്നവരോടുള്ള അമർഷവും,
ബാല്യം പെട്ടെന്ന് തീർന്നതിലുല്ല നിരാശയും,
എണ്ണപ്പെട്ട മാധ്യമ സംസ്കാരം ഉണ്ടാകുന്നതിനു
മുൻപ് ഒരു കൗമാരക്കാരി ക്കുണ്ടായിട്ടുള്ള വിശ്വാസവും
എല്ലാം ഒരു നല്ല മനസ്സിൽ നിന്നെ ഉണ്ടാവു
എന്ന് തോന്നിപ്പോയി

തല്ലത്‌ ചെയ്യുമ്പോൾ ഉണ്ടാകുന്ന
ആത്മ സംത്രിപ്തിയെക്കാൾ വലുതായി
എന്തുണ്ട് ഈ ലോകത്ത് ...

നന്മ മരിക്കുമ്പോൾ തിന്മ ജനിക്കുന്നു ..
നന്മ മരിക്കാതെയും, തിന്മ ജനിക്കാതെയും
ഇരിക്കട്ടെ എന്ന പ്രാർഥനയോടെ ...

ഓർമപ്പെടുത്തലുകൾ

അപരിചിതമായ് വന്ന ഒരു ഫോണ് കോളിലൂടെ ആണ് അവൾ അവനെ പരിചയപ്പെട്ടത്..പരിചയം ഇല്ലാത്ത നമ്പറിൽ നിന്നുള്ള വിളി പതിവ് പോലെ റോങ് നമ്പർ എന്ന് പറഞ്ഞു കാൾ വെച്ചെങ്കിലും വീണ്ടും കാളുകൾ വന്നു കൊണ്ടിരുന്നു ആദ്യം കുറെ ചീത്ത പറഞ്ഞു എങ്കിലും എല്ലാം കേട്ടിട്ടും വിനീതമായ് ഒന്നും മിണ്ടാതെ നമ്പർ മാറി പോയ് അവന്‍റെ അമ്മ ഹോസ്പിറ്റലിൽ ആണെന്ന് അൽപം സീരിയസ് ആണ് അത്യവശൃമായ് ബ്ലഡ് വേണം അതിനായ് ധൃതിയിൽ ആരെയോ വിളിച്ചപ്പോൾ മാറി പോയതാണെന്നും സങ്കടത്തോടെ ഉള്ള അവന്‍റെ മറുപടി അവൾക്കും അല്പം വിഷമമായ് അത് കൊണ്ട് തന്നെ ഒരു സോറി പറഞ്ഞു പെട്ടന്ന് കാൾവെച്ചു.

രണ്ടു ദിവസങ്ങൾക്കു ശേഷം വീണ്ടും അതെ നമ്പറിൽ നിന്നും കാൾ വന്നു ആദ്യം മടിച്ചെങ്കിലും അവൾ ഫോണ്‍ എടുത്തു ..ഹലോ ഞാൻ ബുദ്ധിമുട്ടിച്ചെ
ങ്കിൽ ക്ഷമിക്കണം എന്നെ ഓർക്കുന്നുണ്ടോ രണ്ടു ദിവസം മുൻപ് ഞാൻ വിളിച്ചിരുന്നു ..ഒന്ന് മൂളിയതല്ലാതെ അവൾ ഒന്നും മറുപടി പറഞ്ഞില്ല ..അവൻ തുടർന്നു എന്‍റെ അമ്മയ്ക്ക് സുഖമായ് നാളെ ഹോസ്പിറ്റൽ വിടും..എന്തോ ഇയാളോട് ഒന്ന് പറയണം എന്ന് തോന്നി അതാ വിളിച്ചേ ഇനി വിളിക്കില്ല കേട്ടോ മറുപടിക്ക് കാത്തു നിൽക്കാണ്ട് മറുപുറത്ത് കാൾ കട്ട് ആയ ശബ്ദം അവൾ കേട്ടു... സംസാരത്തിലെ മാന്യത അതാവണം പിറ്റേന്ന് രാവിലെ വന്ന ഗുഡ് മോർണിംഗ് മെസ്സെജിനു അവൾ മറുപടി തിരിച്ചു അയച്ചത് ..

ദിവസങ്ങൾ കഴിയുംതോറും മെസ്സേജിൽ നിന്നും കാളുകളിലേക്കും സോഷ്യൽ നെറ്റ് വർക്ക്കളിലേക്കും അവരുടെ ബന്ധം വളർന്നു..അവന്‍റെ മാന്യമായ പെരുമാറ്റവും സംസാരവും അവളിൽ അവനിൽ ഉള്ള വിശ്വാസം വളർത്തി ഒരു ദിവസം പോലും വിളിക്കാണ്ട് ഇരിക്കാൻ ആവാത്ത അത്ര അടുത്ത് അവൾ അവനോട് ..തന്‍റെ ജീവിതം ഇനി അവസാനം വരെ അവന്‍റെ ഒപ്പം ആണെന്ന് അവൾ ഉറപ്പിച്ചു ...രാത്രിയിലും വളരെ വൈകി അവരുടെ കാളുകൾ നീണ്ടു വികാര നിർഭരമായ പലനിമിഷങ്ങൾക്കും അവളുടെ കിടക്കയും , മുറിയും സാക്ഷിയായി ..

ന്‍റെ ചെയ്തികളിൽ ഒന്നും അവൾ തെറ്റ് കണ്ടില്ല എന്തെന്നാൽ ഇനി എന്‍റെ ജീവിതാവസാനം വരെ കൂടെ ജീവിക്കേണ്ടവനാണ് അവൻ അവനോടു എന്ത് ചെയ്യുന്നതിലും പറയുന്നതിലും അവൾക്കു മടി തോന്നിയില്ല ..അതുകൊണ്ട് തന്നെ ഫോട്ടോകളായ് അവൾ എന്നും അവനിലേക്ക് എത്തി കൊണ്ടിരുന്നു ..അന്ന് ആദ്യമായ് ഒന്ന് കാണണം എന്ന് പറഞ്ഞപ്പോഴും ഒരു മടിയും കൂടാതെ കൂട്ടുകാരിയുടെ കല്യാണത്തിന് പോകാൻ എന്നും പറഞ്ഞു വീട് വിട്ടിറങ്ങി

ആളൊഴിഞ്ഞ റെയിൽവേ സ്റ്റേഷനിലെ അവസാനത്തെ പ്ലാട്ഫോംമിലെ നിർത്തികിടന്ന ട്രയിനിലെ ഷട്ടർ ഇട്ട സ്ലീപ്പർ കോച്ചിൽ അവളുടെ വികാരങ്ങൾക്ക് മുകളിൽ അന്ന് ആദ്യമായ് രക്തം പൊടിച്ചപ്പോഴും എപ്പോഴോ അതൊക്കെ അവന്‍റെ മൊബൈൽ ക്യാമറ കണ്ണുകൾ ഒപ്പി എടുത്തതും ഒന്നും അവളിലെ വിശ്വാസം തെറ്റായ് കണ്ടില്ല കാരണം ഒരു പുരുഷനെ സ്നേഹിച്ചു അവനെ വിശ്വസിച്ചു അവനു വേണ്ടി ജീവിതം സമർപ്പിച്ചു അവന്‍റെ സുഖത്തിലും സന്തോഷത്തിലും അവനൊപ്പം നിന്ന് അവന്‍റെ തോളോട് തോൾ ചേർന്ന് ജീവിതം ജീവിച്ചു തീർക്കാൻ കൊതിച്ച സാധരണക്കാരിൽ സധാരണക്കാരി അയ ഒരു പെണ്ണ് തന്നെ ആയിരുന്നു അവളും ...

അന്നത്തെ കൂടികാണലിനു ...ശേഷം പലപ്പോഴും വിളിക്കുമ്പോൾ ജോലി തിരക്ക് എന്ന് പറഞ്ഞു കാളുകൾ കട്ട് ചെയ്യുന്നതും... വിളിയുടെ എണ്ണം കുറഞ്ഞതും അവൾ അവന്‍റെ അവസ്ഥകൊണ്ടാണ് എന്ന് കരുതി സ്വയം ആശ്വസിച്ചു ...കുറെ ദിവസങ്ങൾക്കു ശേഷം രാത്രി അപ്രതീക്ഷിതമായ് ഫോണ്‍ ശബ്ദിക്കുന്നത് കേട്ട് അവൾ ചാടി എഴുനേറ്റു അവൻ ആകുമെന്ന പ്രതീക്ഷയിൽ അവൾ ഫോണിലേക്ക് നോക്കി ..

ഇല്ല അവൻ അല്ല പരിചയമില്ലാത്ത നമ്പർ ആണ്.ഒരു പക്ഷെ ഇനി അവൻ വേറെ ഏതെങ്കിലും നമ്പറിൽ നിന്ന് വിളിക്കുന്നതാവുമോ അല്ലാണ്ട് ആരാ തന്നെ ഈ രാത്രി വിളിക്കാൻ എന്തായാലും എടുക്കുക തന്നെ ..ഹലോ അടുത്ത് കിടന്നു ഉറങ്ങുന്ന അനുജത്തി കേൾക്കാതിരിക്കാൻ അവൾ പതിഞ്ഞ ശബ്ദത്തിൽ പറഞ്ഞു ...ഹലോ ഇതു അഞ്ചു അല്ലെ...? ഇതാര ഈ രാത്രിയിൽ പേരെടുത്തു ചോദിച്ചു കൊണ്ട് എതിർ വശത്ത് പരിചയമില്ലാത്ത ഒരു പുരുഷ ശബ്ദം , ഒന്ന് മടിച്ചെങ്കിലും അവൾ തുടർന്നു മം അതെ നിങ്ങൾ ആരാ എന്തിനാ ഈ രാത്രിയിൽ എന്നെ വിളിച്ചേ ? എന്നെ നിങ്ങൾക്ക് എങ്ങനെ അറിയാം.?. ഞാൻ നിന്‍റെ ഒരു പഴയ ക്ലാസ്സ്മേറ്റ് ആണ് പറഞ്ഞാൽ ഓർമ്മ വരുമോ എന്ന് അറിയില്ല കുറെ പാടുപെട്ടിട്ടാണ് നിന്‍റെ നമ്പർ കിട്ടിയത്.ഒന്ന് നിർത്തിയതിനു ശേഷം അയാൾ തുടർന്നു...

അന്ന് പഠിക്കുന്ന സമയത്ത് നീ എന്ത് നല്ല കുട്ടിയായിരുന്നു പഠിപ്പിലും അച്ചടക്കത്തിലും ടീച്ചർമാർക്ക് നീ എന്നും പ്രിയപ്പെട്ടവൾ ആയിരുന്നു ഒരു ചീത്ത കൂടുകെട്ടുകളും ഇല്ലാത്തവൾ..ഇതു പറയാനാ നിങ്ങൾ എന്നെ ഇപ്പോ വിളിച്ചേ ..? അല്ല അങ്ങനെ ഉള്ള നിനക്ക് ....നിനക്ക് ഇതു എന്ത് പറ്റി എപ്പോഴാ നിനക്ക് തെറ്റ് പറ്റിയെ..നിങ്ങൾ എന്താ പറയുന്നേ എനിക്ക് ഒന്നും മനസ്സിലാവുനില്ല..എന്ത് തെറ്റ് പറ്റിയെന്ന പറയുന്നേ ..

അഞ്ചു ഇന്നു എനിക്ക് വാട്സപ്പിലെ ഒരു (ഗൂപ്പിൽ നിന്നും ആരോ ഷെയർ ചെയ്ത കുറച്ചു ഫോട്ടോസും ഒന്ന് രണ്ടു വീഡിയോയും കിട്ടി.... നഗ്നമായ ആ ഫോട്ടോയിലെയും വീഡിയോയിലെയും പെൺ രൂപത്തിന് നിന്റെ മുഖച്ഛായ ആയിരുന്നു ....അത് കേട്ടതും ഭൂമി പിളരുനത് പോലെ തോന്നി. അവൾക്കു മറുപടി പറയാതെ അവൾ ഫോണ് കട്ട് ചെയ്തു ..ഇല്ല അവൻ എന്നെ ചതിക്കില്ല അവനു അതിനു കഴിയില്ല എനിക്കറിയാം അവനെ ..പിന്നെ എന്‍റെ ഫോട്ടോസ് എങ്ങനെ ..? അവൾ മൊബൈൽ എടുത്തു അവന്‍റെ നമ്പർ ഡയൽ ചെയ്തു ..സർവ്വീസ് താൽകാലികമായ് കട്ട് ചെയ്തിരിക്കുന്നു ..അവന്‍റെ ഫേസ്ബുക്ക് അക്കൗണ്ടും കാണാനില്ല ..

അവളുടെ കണ്ണിൽ ഇരുട്ടു കയറുന്നത്പോലെ അതെ വൈകിയാണെങ്കിലും ഞാൻ അത് മനസ്സിലാക്കിയിരിക്കുന്നു.... ഞാൻ ചതിക്കപെട്ടിരിക്കുന്നു..നാളെ ഇതു സോഷ്യൽ മീഡിയകളിളുടെ ലോകം മുഴുവൻ എത്തപെടും ..അങ്ങ് മരുഭൂമിയിൽ ഞങ്ങൾക്കായ് ജോലിചെയ്യുന്ന എന്‍റെ അച്ഛൻ ..എന്‍റെ എല്ലാ ഇഷ്ടങ്ങൾക്കും.. ഒരു സുഹൃത്തിനെ പോലെ കൂടെ ഉള്ള എന്‍റെ അമ്മ .എന്‍റെ കുഞ്ഞു അനുജത്തി അവളുടെ ഭാവി..? ..എന്താകും ഇതറിയുമ്പോൾ ഇവരുടെ ഒക്കെ അവസ്ഥ .......ഇല്ല എനിക്ക് അതൊന്നും കാണാൻ കഴിയില്ല... എല്ലാവരുടെയും മുന്നില് ഒരു ചീത്ത പെൺകുട്ടിയായി ഇനിയുള്ള കാലം ആഹ്!!!!!...ഓർക്കാനേ വയ്യ. ....എനിക്ക്....

 അവൾ കട്ടിലിൽ നിന്നും എഴുന്നേറ്റു ഫാൻ ഓഫ് ചെയ്തു..... ഭിത്തിയോട് ചേർന്ന് കിടന്ന മേശ പതിയെ ശബ്ദമുണ്ടാക്കാതെ വലിച്ചു ഫാനിനു കീഴെ കൊണ്ട് വന്നു .....കട്ടിലിൽ കിടന്ന ഷാൾ എടുത്തു ഫാനിൽ കുരുക്ക് കെട്ടി കണ്ണ് നിറഞ്ഞു ഒഴുകുന്നു...... ഒന്ന് ഉറക്കെ കരയണം എന്നുണ്ട് പക്ഷെ പറ്റുന്നില്ല ..അവൾ ഒരു നിമിഷം മനസ്സിൽ പ്രാർത്ഥിച്ചു അത്മാർത്ഥമായ്.. ഒരാളെ സ്നേഹിച്ചതിന്.... വിശ്വസിച്ചതിന്..... വിലപ്പെട്ടത് ഒക്കെ പങ്കു വെച്ചതിനു ..ജീവിതം ഒടുക്കേണ്ടി വരുന്ന അവസാനത്തെ പെൺകുട്ടി ഞാന്‍ ആകട്ടെ!!! കുരുക്ക് കഴുത്തിൽ മുറുകി കുറച്ചു നേരത്തെ പിടച്ചിലിന് ശേഷം അവളുടെ ശരീരം നിശ്ചലം ആയി.... ...അപ്പോഴേക്കും വീണ്ടും അമ്മയ്ക്ക് രക്തം അത്യവശൃമായ്.... ഒരു കാൾ വഴി തെറ്റി മറ്റൊരു പെൺക്കുട്ടിയിലേക്ക് എത്തിയിരുന്നു..

(കടപ്പാട് - Facebook ലെ അപരിചിതനായ സുഹൃത്തിനു)

ഈ കാലഘട്ടത്തിനു പസക്തിയുള്ള ഒന്നായി തോന്നി, കൂടുതൽ പേരിലേക്ക് എത്തട്ടെ എന്ന ആഗ്രഹത്തോടെ ...

10 November 2015

കണ്ണാടിച്ചില്ലുകൾ


അതെ, അവയിപ്പോൾ എന്‍റെ മനസ്സിലെ
കണ്ണാടി ചില്ലുകളാണ് ..
ചിത്രങ്ങൾ വ്യക്തമാവാത്ത,
ശരീരത്തെ അഗ്രഭാഗങ്ങൾ കൊണ്ട്
മുറിവേൽപ്പിക്കാൻ കഴിവുള്ള
ഓർമകചില്ലുകൾ ...

ഒരു കാലത്ത് അവ എന്‍റെ സ്വപ്നങ്ങൾക്ക്
മിഴിവാർന്ന ചിത്രങ്ങൾ തന്നു,
പ്രഭാത രശ്മികളുടെ സൗന്ദര്യം തന്നു
പക്ഷെ, ഇന്നതെന്‍റെ ഓർമകളെ
കുത്തിനോവിക്കുന്ന ചില്ലു കഷണങ്ങളാണ്
നിറം മങ്ങിയ മങ്ങിയ
വെറും ചില്ല് കഷണങ്ങൾ ...

08 November 2015

വളപ്പൊട്ടുകൾ ..
























ആ പൊട്ടിയ വളപ്പൊട്ടുകൾ ചെന്നു വീണത്‌ 
അവളുടെ മയിൽ‌പ്പീലി കണ്ണുകളിലേക്കായിരുന്നു
പിന്നെ, എന്‍റെ ഹൃദയത്തിലേക്കും ...

അവളുടെ കണ്ണുകളെ തൊട്ടുതലോടി,

ഒരു പോറൽ പോലും ഏൽപ്പിക്കാതെ വീണ 
ആ വളപ്പൊട്ടായിരുന്നെങ്കിൽ  എന്നാശിച്ചു മനസ് 
അവ തന്‍റെ ഹൃദയത്തിൽ വരച്ച പോറലുകൾ  
ഇനിയും ഉണങ്ങിയില്ല എന്നറിഞ്ഞിട്ടുകൂടി ..

28 October 2015

സാക്ഷി






















സാക്ഷിക്കെന്താ കൊമ്പുണ്ടോ ?

പഴയൊരു ചാനൽ പ്രോഗ്രാമിലെ വാചകമാണ്
പക്ഷെ, ഇന്നത്തെ സാഹചര്യങ്ങളിൽ
തീർത്തും പ്രസക്തമായ ഒന്ന്

പണം ഇല്ലാത്തവനും, അധികാരം ഇല്ലാത്തവനും
നാട്ടിൽ നിയമ സമത്വം നഷ്ട്ടപ്പെടുമ്പോൾ

ചെകുത്താന്‍റെ  കീശയിലെ പണം മോഹിച്ചും,
സ്വന്തം ശരീരത്തിലെ ജീവന് വേണ്ടിയും
സാക്ഷികൾ മൊഴി മാറ്റി പറയുമ്പോൾ

ഒരുപാട് അമ്മമാരുടെയും, സഹോദരി മാരുടെയും
കണ്ണീരിനു വിലയില്ലാതാകുമ്പോൾ

സാക്ഷിയുടെ കൊമ്പൊടിഞ്ഞു പോകുന്നു ..

ഇതെല്ലാം കണ്ടുനിൽക്കുമ്പോൾ എന്‍റെ മനസ്സിൽ
ഒരു ചോദ്യം ബാക്കിയാവുന്നു

കണ്ണും, ചെവിയുമില്ലാത്ത നമ്മുടെ
നീധിപീOo സമാധിയായിട്ടിപ്പോൾ
എത്ര വർഷങ്ങളായി ?

25 October 2015

പ്രേമവും - പ്രണയവും

വളരെ അവിചാരിധമായി ഞാനിന്നലെ "എന്നു നിന്‍റെ മൊയ്ദീൻ" കണ്ടു.
അജ്മാൻ സിറ്റി സെന്‍റെർ  വോക്സ് മൂവീസിൽ ടിക്കറ്റ് എടുക്കാൻ ഉള്ള ആ വലിയ തിരക്കിലെ 'ക്ലോസ്ഡ് ബോർഡ്‌' നു മുന്നിൽ നിന്നും മടങ്ങാൻ തുടങ്ങുമ്പോൾ ആരോ ഒരാൾ ടിക്കറ്റ്‌ വേണോ എന്നു തിരക്കി. അയാളുടെ കയ്യിൽ നിന്നും ടിക്കറ്റ്‌ വാങ്ങി ഉള്ളിലേക്ക് നടക്കുമ്പോളും മനസ്സിൽ പ്രതീക്ഷയുടെ വലിയ ഭാരം ഒട്ടും തന്നെ ഇല്ലായിരുന്നു. 

പടം തുടങ്ങി അൽപനേരത്തെ വിരസത. റീലുകൾ തിരിയും തോറും പതിയെ മൊയ്തീന്‍റെയും, കാഞ്ചന മാലയുടെയും പ്രണയത്തിന്‍റെ തീവ്രത കൂടി കൂടി വന്നു.  

വീട്ടുകാരോടും, അനിയത്തിമാരോടും ഉള്ള സ്നേഹം അവളെ അവനിൽ നിന്നും വർഷങ്ങൾ അകറ്റി നിർത്തിയപ്പോൾ, പ്രണയത്തിന്‍റെ സുഖം അതിനു കാലം വളമായ് തീർന്നിരുന്നു. 

മുക്കത്തെ മഴ കൂടുതൽ സുന്തരമായി തോന്നി. ഗോപി സുന്ദറിന്‍റെ സംഗീതം അതിനെ കൂടുതൽ മനോഹരമാക്കി.

നാടിനോടുള്ള ഇഷ്ട്ടതാൽ മുക്കം വിട്ടു പോകേണ്ടിവരുമെന്ന വിഷമം അവരെ തീർത്തും അസ്വസ്ഥരാക്കിയിരുന്നു. 

പ്രണയിനിയുടെ കാൽപാദം പതിഞ്ഞ മണ്ണിനോട് പോലും അവനു പ്രണയമായിരുന്നു, ഇരുവഞ്ഞി പുഴയിലെ വെള്ളം അവൾക്ക്‌ അമൃതും 

ചേച്ചി പോയാൽ അനിയത്തി എന്ന 'പ്രേമം' മോഡലിനേക്കാൾ വളരെ ഹൃദയ സ്പർശിയായി തോന്നി കാഞ്ചന മാലയുടെ തോരാത്ത കാത്തിരിപ്പിന്. ഒരുപക്ഷെ പ്രേമവും, പ്രണയവും തമ്മിലുള്ള വ്യത്യാസത്തിന്‍റെ തുറന്ന പുസ്തകം കൂടിയായി "എന്നു നിന്‍റെ മൊയ്ദീൻ" 

തീർച്ചയായും സംവിധായകാൻ വിമലിനും സങ്കത്തിനും കുറച്ചധികം നന്മകൾ പ്രക്ഷകരിലെക്കെത്തിക്കാൻ കഴിഞ്ഞു എന്നുള്ളത് തീർത്തും സന്തോഷകരമാണ്

27 September 2015

മറവി ...

മറക്കാനും, പൊറുക്കാനും, ക്ഷമിക്കാനും
കഴിയുക

ദൈവം നമുക്കു നൽകിയ ഏറ്റവും നല്ല
വരം

പക്ഷെ,

ചിലപ്പോൾ മറക്കാൻ ശ്രമിക്കുകയെന്നത്
ഒരിക്കലും കണ്ടിട്ടില്ലാത്ത ഒന്ന്
ഓർത്ത് എടുക്കുന്നതിനു തുല്യമാണ്

പ്രണയം, വിരഹം, മരണം
ഇവ മൂന്നും പരസ്പരം കെട്ടുപിണഞ്ഞു
കിടക്കുന്ന ഒന്നാണെന്ന് പലപ്പോഴും തോന്നാറുണ്ട്

തീർച്ചയായും
പറഞ്ഞറിയിക്കാൻ പറ്റാത്ത
വികാരം തന്നെയാണ് ഇവ മൂന്നും ...

07 September 2015

സ്നേഹിക്കാൻ പടിപ്പിച്ചവർക്കായ്
























ഈ ഓർമ്മക്കുറിപ്പുകൾ അവർക്കാണ്
എന്നെ സ്നേഹിക്കാൻ പഠിപ്പിച്ച
മനസ്സിൽ ഞാൻ ആദരിക്കുന്ന എന്‍റെ ഗുരുക്കന്മാർക്ക്

''ചാലില്‍ കഴുത്തോളം വെള്ളത്തില്‍ നില്‍ക്കുന്ന
ചേലുറ്റ വെള്ളാമ്പല്‍ കൊണ്ടു നൽകാൻ 
വന്‍ ചെളിയെത്ര ചവിട്ടി ഞാന്‍ 
തീരത്ത് പുഞ്ചിരിയൊന്നു വിരിഞ്ഞുകാണാന്‍ 
എന്‍തോഴി  ചോല്ലുകില്‍ ചന്ദ്രനെക്കൂടിയും 
തണ്ടോടറുത്തു ഞാന്‍ കൊണ്ടുനല്‍കും...'' 
എന്നെഴുതിയ വൈലോപ്പിള്ളിക്കും 

പ്രണയത്തിന്‍റെ സുഗന്തവും, 
കണ്ണീരിന്‍റെ നനവും, 
ജീവിതത്തിന്‍റെ പച്ചയായ മുഖവുമായി 
മജീദും, സുഹ്റയും 
ബാല്യകാലസഖി യിലൂടെ വൈക്കം മുഹമ്മദ്‌ ബഷീറും 

"ഒരു വളപ്പൊട്ടുണ്ടെൻ കയ്യിൽ 
ഒരു മയിൽ‌പ്പീലിയുണ്ടെന്നുള്ളിൽ 
വിരസ നിമിഷങ്ങൾ സരസമാക്കാനിവ 
ധാരാളമാണെനിക്കിന്നും.." എന്നെഴുതിയ കുഞ്ഞുണ്ണി മാഷും 
പ്രണയത്തിന്‍റെ വ്യത്യസ്ഥ ഭാവങ്ങൾ എന്നെ പഠിപ്പിച്ചു

മാധവിക്കുട്ടിയിൽ നിന്ന് കമല സുരയ്യയായ നീർമാദളത്തിന്‍റെ കൂട്ടുകാരിയും..

പ്രണയത്തിന്‍റെ മുല്ലമൊട്ടുകൾ ഒളിച്ചു വെച്ച് തനിച്ചു യാത്രപോയ നന്ദിതയും ..

പല കാലഘട്ടങ്ങളിലായി എന്നെ പ്രണയിക്കാൻ പഠിപ്പിച്ചു

പക്ഷെ,

ഒന്നെനിക്കറിയാം

ആദ്യമായ് പ്രണയിച്ച പെണ്ണും
സ്വന്തമായ് പ്രണയിച്ച പെണ്ണും
ഭ്രാന്തമായ് പ്രണയിച്ച പെണ്ണും

ഇന്നെനിക്കൊപ്പമില്ല ...  

അവസാനവാക്ക് ..

അതെന്‍റെ അവസാന വാക്കായിരുന്നു
അതു കേൾക്കാൻ കൂടെ ആരും തന്നെ ഉണ്ടായില്ല ..

നാല് ചുമരുകൾക്കുള്ളിലെ  മങ്ങിയ വെളിച്ചത്തിൽ
വിയർപ്പുതുള്ളികളാൽ പൊതിഞ്ഞു
ഞാനെന്‍റെ അവസാന ശ്വാസത്തിനായി
കാതോർത്തു...

കുറെ ഉച്ചത്തിൽ ഞാനെന്‍റെ വാക്കുകളെ
ശ്വാസത്താൽ തള്ളിയകറ്റാൻ  ശ്രമിച്ചു

അതുവരെ എന്നെ സ്നേഹിച്ചിരുന്ന,
ഞാൻ വിശ്വസിച്ചിരുന്ന അക്ഷരങ്ങൾ
ഒരൊറ്റുകാരനെ പോലെ കളിയാക്കി ചിരിച്ചു

ഇല്ല, എനിക്കതു പറഞ്ഞേ തീരു. അല്ലാതെ
എന്‍റെ ആത്മാവിനു ഈ ദേഹവും, ഭൂമിയും
വിട്ടുപോകാൻ സാധ്യമല്ല ..

ഇനിയുമതെന്തിനത് മറച്ചുവെയ്ക്കണം
ആർക്കുവേണ്ടി ചങ്ങലക്കിടണം

ഈ ലോകത്തെ മറ്റെന്തിനേക്കാളുമേറെ
ഞാൻ നിന്നെ ഭ്രാന്തമായി സ്നേഹിച്ചിരുന്നു,
സ്നേഹിക്കുന്നു ഇനിയും സ്നേഹിച്ചു കൊണ്ടേയിരിക്കുന്നു ....

05 August 2015

ഇന്നവൾ

പണ്ടെപ്പോളോ ഞാൻ അവളോടായ് പറയുമായിരുന്നു
നമ്മുടെ പ്രണയം, അത് മരിക്കാതിരിക്കണമെങ്കിൽ
നമ്മൾ വിവാഹം കഴിക്കാതിരിക്കണമെന്ന്

അന്നൊരു തമാശയായി പറഞ്ഞതാണ്
ഇന്ന്, കുറെ വർഷങ്ങൾക്കിപ്പുറം
വെറുതെ ഒന്ന് ഓർത്തു നോക്കുമ്പോൾ

ലോകത്തിന്‍റെ ഏതോ ഒരു കോണിൽ അവളും
മറ്റൊരിടത്ത് ഞാനും പരസ്പരം
അറിയാതെ കഴിയുമ്പോൾ

മനസ്സിൽ ഒരു നനുത്ത ശ്വാസമായി
ആ പ്രണയതുള്ളികൾ നിറഞ്ഞു നിൽക്കുന്നു
ഇനിയേതു കർക്കിടകത്തിലും
പെയ്തു തോരില്ലെന്ന വാശിയുമായി .....

മതവും, മനുഷ്യനും, ദൈവവും





















മതഭ്രാന്തന്മാർ

അവർ മതങ്ങൾക്കും, ദൈവങ്ങൾക്കും വേണ്ടി
പരസ്പരം വാളോങ്ങുമ്പോൾ
ഒരു ചോദ്യവും, ഉത്തരവും മാത്രം
ബാക്കിയാവുന്നു ..
ആര് ജയിച്ചു?
മനുഷ്യനോ, മതങ്ങളോ അതോ ദൈവങ്ങളോ

ഭാഗ്യം മൃഗങ്ങൾക്ക് മതങ്ങളും
ദൈവങ്ങളും ഇല്ലാത്തത് അല്ലെങ്കിൽ
മാനിനെ ഒരു മതത്തിലും സിംഹത്തിനെ
മറ്റൊരു മതത്തിലും ഉൾപെടുത്തായിരുന്നു

ഇല്ലെങ്കിൽ അവയുടെ വംശത്തിന്‍റെ
അന്തകരാവാൻ
മനുഷ്യ മൃഗം വേണ്ടി വരില്ലല്ലോ
അല്ലെ ....

13 July 2015

ചുംബനം


കലാലയ ഇടനാഴിയിൽ ആരും കാണാതെ ആദ്യമായി ചെറു ചുംബനം നൽകിയപ്പോൾ
നാണം കൊണ്ട് ആ മുഖം ചുവന്നു തുടുത്തപ്പോൾ അവൾ പറഞ്ഞു വൃത്തികെട്ടവൻ...!

കഴുത്തിൻ താലി വീണ് മധുവിധുവിൻ ആദ്യനാളുകളിൽ ചുംബനം കൊണ്ടു മൂടുമ്പോൾ അവൾ പറഞ്ഞു ഏത് നേരവും ഇതേ ഉള്ളു ചിന്ത....

കുട്ടികളായി കഴിഞ്ഞ് അടുക്കള വാതിൽ കടന്ന് പുറകിലൂടെ അവൾ അറിയാതെ അവളെ ചേർത്ത് പിടിച്ച് ചുംബനം നൽകിയപ്പോൾ അവൾ പറഞ്ഞു '' ദേ പിള്ളേര് കാണുമെന്നായി...'''

അവസാനം തൊലിപ്പുറത്ത് ചുളിവ് വീണപ്പോൾ പരസ്പരം കണ്ണുകളിലേക്ക് നോക്കി കുഴമ്പ് തേക്കുമ്പോൾ ഒരു പഴകി തേഞ്ഞ ചുംബനം നൽകിയപ്പോൾ അവൾ പറഞ്ഞു
കൊച്ച് മക്കൾ ആയി ഇതിന് ഒരു കുറവും വന്നിട്ടില്ല...

അവസാനം വെള്ള തുണിയിൽ പൊതിഞ്ഞ്..
എന്റെ കരളിനെ പൊതിഞ്ഞ് കിടത്തിയപ്പോൾ അവസാനമായിട്ട് ഒരു ചുംബനം നൽകിയപ്പോൾ അവൾ ഒരു പരിഭവവും പറഞ്ഞില്ല വെറുതെ അങ്ങനെ കിടന്നു
ഇത് '' എത്ര കിട്ടിയതാ എന്നാ മട്ടിൽ....''''
(കടപ്പാട് Facebook ൽ share ചെയ്ത അപരിചിതനായ സുഹൃത്തിന് )

09 July 2015

ജന്മദിനം

അന്നവളുടെ ജന്മദിനമായിരുന്നു
അതെങ്ങനെ  ആഘോഷിച്ചാലും
എനിക്കു മതിയാവില്ലായിരുന്നു.

അന്ന് ഞങ്ങൾക്കൊരു അതിഥികൂടി 
ഉണ്ടായിരുന്നു, ഒരു കുഞ്ഞു മഴ 

അത് ഞങ്ങളുടെ ആഘോഷങ്ങളെ 
കൂടുതൽ ആനന്ദവും, ഹൃദ്യവുമാക്കി

മഴത്തുള്ളികളാൽ നനഞ്ഞ അവളുടെ 
മുഖം അന്ന് കൂടുതൽ സുന്ദരമായിരുന്നു  

ചെറിയ ഇടിമിന്നലുകളിൽ ഇടയ്ക്കെപ്പളോ 
എന്‍റെ ജന്മദിനക്കാരി ശരിക്കും പെടിച്ചുപോയി 

അവളെ നെഞ്ചോട്‌ ചേർത്ത് നിർത്തി ധൈര്യം 
പകർന്നപ്പോൾ ആ തൊട്ടാർവാടിയെ
ഞാൻ കൂടുതൽ  അടുത്തറിയുകയായിരുന്നു,
സ്നേഹിക്കുകയായിരുന്നു എന്‍റെ ജീവനോളം...   

13 May 2015

മഴയ്ക്കും പ്രണയത്തിനും ഇടയിൽ
























ട്രെയിൻ മഴത്തുള്ളികളെ വകഞ്ഞുമാറ്റി
പാളത്തിലൂടെ പാഞ്ഞുകൊണ്ടിരുന്നു ...

നനുത്ത മഴത്തുള്ളികൾ
മനസ്സിൽ പ്രണയം നിറച്ചിരുന്ന കാലം
ഓർമയിൽ നിറഞ്ഞു

മഴയേക്കാൾ തണുപ്പായിരുന്നു
അവൾക്കു..

ജൂണ്‍ മാസത്തിലെ മഴയിൽ
നനഞ്ഞു കുതിർന്ന വസ്ത്രങ്ങളാൽ
അവൾ വരുമ്പോൾ
ഒരു പുതു മഴതൻ ഗന്ധമായിരുന്നു എങ്ങും

ഞാൻ അവളും, അവൾ ഞാനും ആയി
മാറുന്ന നിമിഷങ്ങളായിരുന്നു അത്

പ്രണയം അത് ചിലപ്പോൾ ആർക്കും
വർണ്ണിക്കാൻ കഴിയാത്ത അത്രതന്നെ
തീവ്രമായ ഒരു വികാരം  തന്നെയാണു

ചുറ്റുപാടുകളെ വിസ്മരിച്ച
കെട്ടുപാടുകളെ പൊട്ടിച്ചെറിഞ്ഞ
മനസ്സിൽ കാത്തുസൂക്ഷിക്കാൻ ഒരുപാട്
ഇഷ്ട്ടപ്പെടുന്ന ഒന്നാണ് ...

ഒരിടിവെട്ടൽ പോലെ ഒരു ശബ്ദം
ഓർമകളുടെ ലാളനത്താൽ
ലയിച്ചു പോയ എന്നെ
ആരോ മടക്കി വിളിച്ചു

"നിങ്ങളുടെ ടിക്കറ്റ്‌ എവിടെ ?"

ഞാൻ പോക്കറ്റിൽ പരതി
കയ്യിൽ തടഞ്ഞ കടലാസ് തുണ്ടെടുത്തു നീട്ടി
ഭാഗ്യം, അത് ടിക്കറ്റ്‌ തന്നെ ആയിരുന്നു

എന്റെ ഓർമകളെ പാളം തെറ്റിച്ചു
അയാൾ നടന്നകന്നു

ചിലപ്പോൾ തെറ്റിയത്
എന്റെ ഓർമ്മകൾ ആയിരിക്കാം

നഷ്ട്ടപ്പെട്ടുപോയ പ്രണയം
മറ്റൊരാളുടെ സ്വന്തമായ പ്രണയം
തിരയെടുത്ത പേരാണെന്നറിഞ്ഞിട്ടും
അതിപ്പോളും താലോലിക്കുന്നത്
ഒരുതരം പാളം തെറ്റൽ തന്നെയല്ലേ  ? 

06 November 2014

പ്രണയം

























പ്രണയം, എന്നെ വട്ടു പിടിപ്പിക്കുന്നു
കാല്പനികതയുടെ ലോകത്തേക്ക്
വലിച്ചടുപ്പിക്കുന്നു ...

വാക്കുകളുടെ ഹീനമായ മുഖം
തുറന്നു കാട്ടുന്നു ...

ഓർമകളുടെ പുസ്തകത്തിലെ
വർണ്ണത്താളുകളിൽ
വിറയാർന്ന കൈകളാൽ കോരിവരച്ച രൂപം
മനസ്സിൽ ആളിക്കത്തിക്കുന്നു

അതെ,
മനസ്സിൽ മഴയായും, തണുപ്പായും
അരിച്ചിറങ്ങി നിഞ്ചിൽ കെട്ടി നിന്നെന്നെ
കഷായപ്പനി കൊള്ളിച്ച
നിന്‍റെ പ്രണയം ...


ഓർമകളുടെ അതിപ്രസരത്താൽ
കാലത്തിനും മായ്ക്കാനാവുന്നില്ല

അത് ചിലപ്പോൾ
എനിക്കും നിനക്കും ഇടയിലെ അതിർ വരമ്പുകൾ
ഇല്ലാതാക്കിയ ഒരു വികാരമായിരിക്കാം ...

നീ എന്‍റെതാണ് എന്ന അഹങ്കാരത്തിനു മേൽ
തുളഞ്ഞു കയറിയ ഇരുമ്പ് പാളി പോലും
ഇന്നു ദ്രവിച്ചു പൊയിരിക്കുന്നു..

പക്ഷെ

ഒന്നെനിക്കറിയാം

നീ എന്ന പ്രണയം ...

അതെന്നെ അന്നും, ഇന്നും, എന്നും

വേദനിപ്പിച്ചു കൊണ്ടിരിക്കുന്നു ...

28 October 2014

അവൾ എന്‍റെ മഴ


























ഞാന്‍ എന്തിനാണ് നിന്നെ ഇത്രമേല്‍ സ്നേഹിക്കുന്നത് എന്ന് ചോദിച്ചാല്‍, ചിലപ്പോള്‍ നീ എന്‍റെ പ്രിയ കാമുകി ആയതിനാലാവും, മറ്റുചിലപ്പോള്‍ നീ എന്‍റെ മനസ്സില്‍ പ്രനയതുള്ളികള്‍ കൊണ്ട് നിറക്കുന്നതിനാലാവും. എന്ത് തന്നെ ആയാലും ഞാന്‍ നിന്നെ അത്രമേല്‍ ഇഷ്ട്ടപ്പെടുന്നു . 

നിന്‍റെ കൊലുസിന്റെ നാദം എന്‍റെ കാതുകളില്‍ മുഴങ്ങുന്നുണ്ട് , നീയാകുന്ന തുള്ളികള്‍ ശരീരത്തില്‍ ഒലിച്ചിറങ്ങുന്നു, വികാരങ്ങളെ ഉണര്‍ത്തിവിടുന്നു. ഞാന്‍ നിന്‍റെ പ്രണയത്താല്‍ തണുത്തുറഞ്ഞു പോയിരിക്കുന്നു. അത് ചിലപ്പോള്‍ നിന്‍റെ സ്നേഹം നിറഞ്ഞു ഒഴുകുന്നതിനാല്‍ ആയിരിക്കാം. 

അറിയില്ല പര ബന്ധം പുലര്‍ത്തുന്ന നീ എന്‍റെ പ്രണയം ഇഷ്ട്ടപ്പെടുന്നുണ്ടോ എന്ന് .പലവട്ടം ഞാന്‍ നിന്നോടത് ചോദിച്ചതല്ലേ, അപ്പോളെല്ലാം മിന്നലുകള്‍ കൊണ്ട് നീ എന്നെ കളിയാക്കിയില്ലേ . ഒടുവില്‍ "നിന്നെ എനിക്ക്  ഇഷ്ട്ടമല്ല" എന്ന് ഉറക്കെ വിളിച്ചു പറഞ്ഞതിന്‍റെ ദേഷ്യത്താല്‍ ഒരു വലിയ ഇടി മുഴക്കി നീ അന്നെന്നോട് വിട പറഞ്ഞതല്ലേ.

ഇണങ്ങിയും, പിണങ്ങിയും നമ്മള്‍ അത്രമേല്‍ സ്നേഹിക്കുകയായിരുന്നില്ലേ. എന്‍റെ പ്രായം നിനക്കറിയാം പക്ഷെ നിന്‍റെ പ്രായം ഒരിക്കലും ഞാന്‍ തിരക്കിയത് പോലും ഇല്ലല്ലോ,  എന്നിട്ടും ബാല്യകാലം മുതല്‍ നിന്നെ ഞാന്‍ സ്നേഹിച്ചുകൊണ്ടിരിക്കുന്നു. 

ഈ ജന്മം മുഴുവന്‍ മതി വരില്ലല്ലോ എനിക്ക് നിന്നെ സ്നേഹം കൊണ്ട് മൂടാന്‍. പദ്മരാജനില്‍ നിന്നും കടമെടുത്ത് നിന്നെ ഞാന്‍ സ്നേഹത്തോടെ വിളിക്കട്ടെ "ക്ലരെ" മഴവില്ലിന്റെ ഏഴു നിറങ്ങള്‍ ഉള്ളവളെ , പ്രിയപ്പെട്ടവളെ 'എന്‍റെ ക്ലരെ' നിന്നെ എത്ര സ്നേഹിച്ചിട്ടും മതി വരുന്നില്ലല്ലോ...

27 October 2014

ഓർമ്മകൾ വിടപറയും മുൻപേ ...




ഓർമ്മകൾ ..
ആ വാക്കിനു അർത്ഥങ്ങൾ പലതുണ്ട്
ജീവിതത്തിൽ കൊഴിഞ്ഞു പോയ
ചിതലരിച്ചുകൊണ്ടിരിക്കുന്ന
ചില അദ്ധ്യായങ്ങൾ ...


ചിലപ്പോൾ അതൊരു സുഖമുള്ള അനുഭൂതിയാണ്
മനസിനെ കുത്തിനോവിക്കലാണ്
കണ്ണിനെ ഈറനണിയിക്കുന്ന,
വാക്കുകളെ നിശബ്ദമാക്കുന്ന
ഒരു ഭൂതകാല യാത്രയാണ്


ഇനി നടക്കാൻ ഇടയില്ലാത്ത
ജീവിതം എന്ന പുസ്തകത്തിലെ
ചില മഷി പുരണ്ട അധ്യായങ്ങളാണ്



മരണം മനസിനെ കവർന്നെടുക്കും നാൾ വരെ
ആരുടേയും അനുവാദത്തിനു കാത്തുനിൽക്കാതെ
ആരേയും ഓർക്കാനും, ഓമനിക്കാനും
ദൈവം പകർന്നു തന്ന ദിവ്യായുധമാണ്.


ഓർമ്മകളെക്കാൾ സൗന്തര്യമുള്ള
സുഗന്തമുള്ള ഏക വസ്തു ലോകത്ത് അത്
ചിലപ്പോൾ ഓർമ്മകൾ തന്നെ ആയിരിക്കും

06 July 2014

മരിച്ചുകൊൾക നീ പ്രണയമേ























പ്രണയത്തിന്‍റെ രക്ത തുള്ളികളിൽ മുക്കിയെടുതാണ് 
ഞാനെന്‍റെ തൂലികമുന ചലിപ്പിച്ചത് .. 

ഓർമകളുടെ മൂടുപടം വെട്ടിയെടുത്താണ് 
ഞാൻ നിനക്ക് ജീവൻ നല്കിയത്.. 

ഇതൾ വിരിയാത്ത പൂക്കളെ നുകരാനെത്തുന്ന ശലഭത്തെ
പോലെയാണ് ഞാൻ നിന്‍റെ ചുണ്ടുകളെ ഉമ്മവെച്ചത്

അസ്തമയ സൂര്യന്‍റെ കിരണങ്ങൾ പകർന്നെടുതാണ്  
ഞാൻ നിന്‍റെ നെറ്റിയിൽ സിന്ദൂരം ചാലിചത് ... 

ആയിരം പൂർണ്ണ ചന്ദ്രന്മാരെ സാക്ഷിയാക്കിയാണ് 
ഞാൻ നിന്നിൽ പ്രണയതുള്ളികൾ ചൊരിഞ്ഞത് ... 

ഇന്നു,

എന്‍റെ തൂലികമുനപൊലും തുരുമ്പെടുത്തിരിക്കുന്നു ... 
ചുരത്താൻ പാലില്ലാത്ത സ്തനങ്ങൾ നോക്കി കരയുന്ന 
കുട്ടിയെ പോലെ..  മനസിലെ വാക്കുകൾ.. 

ഓർമകൾക്ക് കൂട്ടായെത്താറുള്ള
മഴമേഘങ്ങൾ പോലും ഇന്നന്യമായിരിക്കുന്നു ... 

പ്രണയം ഇല്ലാതെ, രക്തത്തിന്‍റെ ചുവപ്പില്ലാതെ ... 
ഞാൻ ഇല്ല.....  എന്‍റെ വാക്കുകളും ... 

മരിച്ചുകൊൾക ... നീ ... 
എഴുത്തെന്ന...  എന്‍റെ പ്രണയമേ..
നീ മരിച്ചുകൊൾക..
   

30 June 2013

മഴ പെയ്യട്ടെ


മഴ കനത്തു പെയ്യുകയാണ്, നിന്‍റെ സ്നേഹത്തിന്‍റെ നനവിനെ ഈ കൈവിരലുകളിൽ നിന്നും മായ്ച്ചുകളയാനാവാതെ.


04 March 2013

പറയാന്‍ മറന്നത്



പറയാന്‍ മറന്നതല്ല ഞാന്‍ ...
പറയാതിരുന്നതും അല്ല ...
ഒരായിരം തവണ പറഞ്ഞതല്ലേ
അത്രയും നീ അറിഞ്ഞതുമല്ലേ ...

ആദ്യം ഒരപരിചിതയായി
പിന്നെ പരിചിതയായി,
സുഹൃത്തായി, പ്രണയിനിയായി,
പിരിയാന്‍ കഴിയാത്ത

മനസുമായി നമ്മള്‍ ...
പിന്നെ എന്താണ് ?
എനിക്കും നിനക്കും  ഇടയിലെ
ഇപ്പോഴത്തെ മൌനത്തിനു കാരണം ..

വിരഹിണിയായ നിന്‍റെ രൂപം
മനസ്സില്‍ നരകത്തേക്കാള്‍ ഭീകരമാണ്
പ്രിയേ ...

02 March 2013

പ്രിയ സുഹൃത്തിനു ...


സൌഹൃദത്തിന്‍റെ നേരും പതിരും തിരിച്ചറിയാന്‍ തുടങ്ങുന്ന പ്രായം..
പഠിത്തത്തില്‍ അമിത മികവോന്നും പുലര്‍ത്താത്ത ഒരാളായിരുന്നു ഞാന്‍..
ഒരു പത്താം തരം വിദ്യാര്‍ഥിയുടെ സ്വാതന്ത്രത്തില്‍
അനാവശ്യമായി അധ്യാപകരും, വീട്ടുകാരും, നാട്ടുകാരും  കൈകടത്തി
അമിത ഭാരം താങ്ങാനാവാതെ നില്‍ക്കുമ്പോള്‍

എനിക്കൊരു സുഹൃത്തിനെ കിട്ടി ... 
പേര്, ഷോണി
ഞങ്ങളുടെ വിദ്യാലയത്തിലെ ചരിത്ര അധ്യാപികയായ ശോഭന ടീച്ചറുടെ മകന്‍..

പഠിത്തത്തില്‍ ഒന്നാമന്‍...
എല്ലാ വിഷയങ്ങളിലും നല്ല ഗ്രാഹ്യം ഉണ്ടായിരുന്നു അവനു.. .
മാറിയും, മറിഞ്ഞും, ക്ലാസ്സിലെ റൊട്ടേഷന്‍ സംവിധാനത്തില്‍
എന്‍റെ അടുക്കല്‍ എത്തിപ്പെട്ടു പോയ ഒരു പാവം ...

പതിരുകളായ ഒരുപാട് സുഹൃത്തുക്കള്‍ക്കിടയില്‍ നിന്നും
കണ്ടു കിട്ടിയ ഒരു കതിരായിരുന്നു അവനെനിക്ക് ...

അറിവ് പകര്‍ന്നു കൊടുക്കാനുള്ളത് ആണെന്നും
പകര്‍ന്നു കൊടുത്താല്‍ ഒരിക്കലും കുറഞ്ഞു പോകില്ല
പകരം നിറവേ ഉണ്ടാകു എന്നും നന്നായി അറിയാമായിരുന്നവന്‍
ക്ഷമിക്കാനും, പൊറുക്കാനും എന്നെ പഠിപ്പിച്ചവന്‍

ക്ലാസ് മുറിക്കു പുറത്ത് തനിക്കു കണക്കിലെയും
സായിപ്പിന്‍റെ ഭാഷയിലെയും എളുപ്പവഴികള്‍
പഠിപ്പിച്ചു തന്ന ഒരു  നല്ല സുഹൃത്ത് ...
അങ്ങനെ പറഞ്ഞിട്ടും പറഞ്ഞിട്ടും തീരാത്ത ഒരുവന്‍

ആദ്യമായി എനിക്ക് ഒരു സുഹൃത്തില്‍ നിന്നും ലഭിച്ച
ക്രിസ്തുമസ് ആശംസാകാര്‍ഡ്, അത് അവനില്‍ നിന്നായിരുന്നു
സ്കൂള്‍ ലൈഫിന്‍റെ, വാതായനങ്ങള്‍ക്ക് പുറത്തു കടന്നപ്പോള്‍
വലിയ ശൂന്യതയായിരുന്നു ...
നല്ലൊരു സുഹൃത്തിനെ നഷ്ട്ടപ്പെട്ട ശൂന്യത ...

സ്കൂള്‍ ജീവിതത്തില്‍ തന്‍റെ ഏറ്റവും വിലപ്പെട്ട സമ്പാദ്യം
അത് അവന്‍ തന്നെ ആയിരുന്നു എന്ന് തിരിച്ചറിഞ്ഞത്
അവനെ നഷ്ട്ടപെട്ടപ്പോള്‍ ആയിരുന്നു...

മൊബൈല്‍ ഫോണും, ഇന്റര്‍ നെറ്റും ഒന്നും ഞങ്ങളില്‍
എത്തിപ്പെടാതിരുന്ന ആ കാലത്ത്
അടുത്തടുത്ത രണ്ടു വര്‍ഷങ്ങളില്‍ എന്നെ തേടി
അവന്‍റെ ക്രിസ്തുമസ് കാര്‍ഡുകള്‍ എത്തി
അവനു എന്‍റെയും ...

മൂന്നാമത്തെ വര്‍ഷം .. ഞാന്‍ പ്രതീക്ഷിച്ചിരുന്ന
എന്നെ തേടി വരാറുള്ള ആശംസകള്‍
ഡിസംമ്പറിന്‍റെ അവസാനമായിട്ടും വന്നില്ല ...

പക്ഷെ ..

അവനോടുള്ള എന്‍റെ സൌഹൃതത്തില്‍
വിടര്‍ന്ന ആശംസാപുഷ്പങ്ങള്‍
അവനെ തേടി പുറപ്പെട്ടിരുന്നു ...

പിന്നെയും വര്‍ഷങ്ങള്‍ ...
കലണ്ടെറിന്‍റെ രൂപങ്ങളില്‍  മാറിക്കൊണ്ടിരുന്നു
ഡിസംമ്പറുകള്‍ വന്നും പോയും കൊണ്ടിരുന്നു

ഒരു ദിവസം

വളരെ അപ്രതീക്ഷിതമായി ഞാന്‍ അറിഞ്ഞു
തന്നില്‍ കുറെ നല്ല ഓര്‍മ്മകള്‍ ജനിപ്പിച്ച
പ്രിയ കൂട്ടുകാരന്‍ ഒരു റോഡ്‌ അപകടത്തില്‍
ഈ ലോകത്തോട്‌ വിടപരഞ്ഞിട്ടു
വര്‍ഷങ്ങള്‍ ആയിരിക്കുന്നു എന്ന്

പിന്നീട്

വീടിന്‍റെ പയ്ന്റിങ്ങ് ആവശ്യങ്ങള്‍ക്കായി
പഴയ പുസ്തകങ്ങള്‍ ഒതുക്കുന്നതിനിടയില്‍
പണ്ടെപ്പോളോ എന്‍റെ കയ്യില്‍ അകപെട്ടുപോയ
അവന്‍ എഴുതിയ ഉത്തരക്കടലാസ് ...

അറിയാതെ കണ്ണ് നിറഞ്ഞുപോയി
ഇപ്പോളും, ഒരു നിധിപോലെ
എന്‍റെ ഓര്‍മ ചെപ്പില്‍ ഞാന്‍ അത്
കാത്തു സൂക്ഷിക്കുന്നു

കാലപ്പഴക്കതാല്‍ അതിലെ മഷി
പരന്നിരിക്കാം പക്ഷെ
പ്രിയ സുഹൃത്തേ നിന്‍റെ  ഓര്‍മ്മകള്‍
എന്നും ഈ മനസ്സില്‍ തന്നെ ഉണ്ടാകും
ഒരു നിധിയായി .....

ഡിസമ്പറിന്‍റെ മറക്കാനാവാത്ത നഷ്ട്ടമായി ...

01 March 2013

ചങ്ങലപ്പൂട്ടുകള്‍




































എന്‍റെ സ്വപ്നങ്ങളെ നീ ചങ്ങല കൊണ്ട് ബന്ധിക്കുമ്പോളും 
മനസ്സില്‍ ഒരായിരം വര്‍ണ്ണശലഭങ്ങള്‍ പാറിപ്പറക്കുകയായിരുന്നു.

പ്രണയത്തെ ചങ്ങലപ്പൂട്ടുകള്‍ വേദനിപ്പിക്കുമ്പോളും
ദൂരെ കാണാമറയത്തു നിന്‍റെ കൊലുസിന്‍റെ നാദം 

ആ മായികവലയത്തില്‍ നീ എന്ന സ്വപ്നം
സ്വാതന്ത്രത്തിനുവേണ്ടിയുള്ള പ്രയാണം

ഒടുവില്‍ ചങ്ങലവലയം ഭേദിച്ചു നിന്നരികില്‍ 

ഒരേ ഒരു ചോദ്യം ബാക്കിയായി , എന്ത് നേടി ?

17 October 2012

ഇന്നലത്തെ മഴയില്‍

































ഇന്നലെ മനസ്സില്‍ ഒരു വലിയ മഴ പെയ്തു
തുലാവര്‍ഷം ആടി തിമിര്‍തപോലെ ഒരു മഴ 
കുറെ നനഞ്ഞു പോയിരിക്കുന്നു  ഞാന്‍

തുള്ളിക്കൊരുകുടം കണക്കെ പെയ്ത മഴയില്‍
തണുത്തുറഞ്ഞു നില്‍ക്കുമ്പോള്‍ 
ദൂരെനിന്നും ഒരുനിലവിളി ശബ്ദം
കേള്‍ക്കുന്നപോലെ ...
ആരോ ഒരാള്‍

എന്‍റെ കാലൊച്ച കേള്‍ക്കാന്‍ വേണടി മാത്രം
കരയുന്ന പോലെ ...
അയാളുടെ അടുതെക്കടുക്കാന്‍ മനസ്
തുടിക്കുന്നപോലെ ...

ഞാന്‍ പതിയെ നടന്നു
മനസ് വഴിതെളിച്ചുകൊണ്ടിരുന്നു
അതാ ...
വര്‍ഷങ്ങളായി തന്നിലേക്കെത്താന്‍
കാത്തിരുന്ന ഒരാള്‍ ...

ഈ മഴയായി പെയ്തത്
അയാളുടെ കണ്ണുനീരായിരുന്നോ
കണ്ണുനീര്‍ തുള്ളികളാല്‍ തീര്‍ത്ത
മഴവെള്ളപ്പാച്ചില്‍ ഒടുവില്‍ അയാളെ 
എന്‍റെ  അടുത്ത് എത്തിച്ചിരിക്കുന്നു

അയാളുടെ ദേഹം തണുത്തു
വിറയ്ക്കുന്നുണ്ടായിരുന്നു 
കണ്ണുകളില്‍ തിളക്കം കാണാമായിരുന്നു
ആഗ്രഹിചിടത്ത് എത്തിയതിന്‍റെ
സന്തോഷം ആ മുഖത്ത് തെളിഞ്ഞു
നിക്കുന്നുണ്ടായിരുന്നു  ...

ഒരു ദൈവനിയോഗം പോലെ
ഇനിയുള്ള ജീവിതത്തില്‍ ഒരു ഏടായി
ഒരു നല്ല സുഹൃത്തായി
അയാള്‍ ഇനിയും ...

25 July 2012

വര്‍ണ്ണം




























എനിക്കുറക്കം വരുന്നു 
ഓര്‍മകളുടെ വര്‍ണ പുസ്തകത്തില്‍ 
ഇത്രനാളും ഒളിപ്പിച്ചുവെച്ച  
നിറങ്ങള്‍ക്കിടയില്‍ ഒന്നു മയങ്ങാന്‍ 

മിഴിനീര്‍ തുള്ളികളാല്‍ ആ നിറങ്ങള്‍ 

മായ്ച്ചുകളയാന്‍ 

പക്ഷെ  


ആ വര്‍ണങ്ങളെ മായ്ച്ചുകളയാന്‍ 

മിഴികള്‍ വിമുഗത കാട്ടുമ്പോള്‍ 

ഉറക്കം 

അതിനിയും  
ഋതുഭേതങ്ങളാല്‍ കെട്ടു പിണഞ്ഞു കിടക്കുന്നു 

06 September 2011

മഴ

മഴ ഓര്‍മകളുടെ നൊമ്പരം പോലെ , സ്വപ്നങ്ങളുടെ ഭാവം പോലെ, വെളുത്ത മഴത്തുള്ളികള്‍ വീണിടത്ത് ഒരു അടയാളം മാത്രം ശേഷിപ്പിച്ചു, ചിലപ്പോള്‍ കൂട്ടത്തില്‍ കൂടി എവിടെയോ അപ്രത്യക്ഷമാവുന്നു.

മഴ അങ്ങിനെയാണ് അല്ല എല്ലാ മഴകളും അങ്ങിനെ ആണ്.എവിടെ നിന്നോ വന്നു എവിടെക്കോ പോകുന്നു. പാടത്തു കളിക്കാന്‍ നില്‍ക്കുമ്പോള്‍ കേള്‍ക്കാം അകലെ നിന്നും വലിയ ശബ്ദത്തോടെ ഉള്ള അവന്‍റെ വരവ്. വരമ്പിലൂടെ ഓടുമ്പോള്‍ തൊട്ടു പുറകെ ഉണ്ടാവും ചിലപ്പോള്‍ എന്നെ ശ്രദ്ധിക്കാതെ ദൃതിയില്‍ കിതപ്പിനുമുകളില്‍ നനവുള്ള കരിമ്പടം തന്നു. അല്ലെങ്കില്‍ എന്നോട് പിണങ്ങി ദൂരെ ഏതോ വഴിയിലൂടെ ഉള്ള ഒളിച്ചു പോക്ക്. അപ്പോഴും എനിക്കായവന്‍ തണുത്ത കാറ്റിനെ തന്നു.

പിന്നെ അമ്പല മുറ്റത്തെ ആലിന്‍ ചുവട്ടില്‍ അവനെ കാണാതെ ഉള്ള ഒളിച്ചു നില്‍പ്പ് പക്ഷെ പലപ്പോഴും അവന്‍ എന്നെ കണ്ടെത്തുമായിരുന്നു.

സ്കൂള്‍ വരാന്തയില്‍ അകലേക്ക്‌ നോക്കി നില്‍ക്കുമ്പോള്‍ കാണാം അകലെ നിന്നുള്ള മഴയുടെ വരവ്. എന്നെ തൊടാന്‍ കഴിയാതെ പിണങ്ങി കൂട്ട് വെട്ടി ഉറക്കെ ശബ്ദമുണ്ടാക്കി അവന്‍റെ തിരിച്ചു പോക്ക്. ആദ്യം എന്‍റെ പുത്തനുടുപ്പു നനച്ച ദുര്‍വാശിക്കരനായി  പിന്നെ ചൂരല്‍ കഷായത്തിന്‍റെ  വേദനയുള്ള  കൈവെള്ളയിലേക്ക് നിന്‍റെ തണുപ്പ്. ഒടുവില്‍ എന്നോ നീ എന്‍റെ മറക്കാനാകാത്ത കൂട്ടുകാരനായി, പിന്നെയും പിന്നെയും എന്നിലെക്കൊടിയെത്തി ചിലപ്പോഴൊക്കെ ഞാന്‍ നിന്നിലെക്കും. എന്‍റെ വേദനകളില്‍ കണ്ണുനീര്‍ ഒലിപ്പിച്ചും സന്തോഷങ്ങളില്‍ ആടിതിമിര്‍ത്തും നീ എന്നോടൊപ്പം ഉണ്ടായിരുന്ന നാളുകള്‍.

ഒടുവില്‍ അവധി കഴിഞ്ഞുള്ള നിന്‍റെ തിരിച്ചു പോക്കില്‍ കരഞ്ഞു ഞാന്‍ നില്‍ക്കുമ്പോള്‍ അകലെ കൈകള്‍ വീശി നീ. നാളുകള്‍ക്ക് അപ്പുറം പുതുമണമുള്ള സ്പ്രേ അടിച്ചു വിരുന്നു കാരനെ പോലെ ഉള്ള നിന്‍റെ വരവ്.

പിന്നെ കോളേജിന്‍റെ വരാന്തയില്‍ അവള്‍ക്കു കൊടുക്കാന്‍ ഒരു പൂവുമായി നില്‍ക്കുമ്പോള്‍ ധൈര്യത്തിന് ഒരു കൂട്ടായ് ചാറ്റല്‍ മഴയായ് നീ വന്നതും, ഒരിക്കല്‍ അവളുടെ കുടക്കീഴിലേക്ക്‌ ഓടിക്കയറാന്‍ എന്നെ സഹായിച്ചു അകലാനാകാത്ത വിധം അവളുടെ കുടക്കീഴിലെന്നെ അടുപ്പിച്ചു നിര്‍ത്താന്‍ കുസൃതി മഴയായ് പിന്നെയും നീ വന്നു.

ഇനി എന്‍റെ യാത്രയിലും നീ വേണം. യാത്രാവേളയില്‍ നാടാകെ കേള്‍ക്കെ ഉറക്കെ കരയാനും, തീ നാളങ്ങള്‍ എന്നെ വിഴുങ്ങുമ്പോള്‍ അകലെ മാറി നിന്ന് എങ്ങലടിക്കാനും. ഒടുവില്‍ കത്തിയമര്‍ന്ന ചാരത്തിലേക്ക് ഒരല്‍പം കുളിര്‍ മഴയായ് നീ പിന്നെയും...

09 July 2011

ഇവിടെ ഇത്തിരി നേരം കൂടി




രുനാള്‍ പ്രണയത്തിന്‍റെ പുല്‍മെത്തയില്‍ കിടക്കുമ്പോള്‍ ഞാന്‍ അവളോടായ് പറഞ്ഞു, ഞാന്‍ മരിച്ചാല്‍ നീ വേറെ വിവാഹം കഴിക്കണം.

സന്തോഷത്തിന്‍റെ കൊടുമുടിയില്‍ നിന്നും താഴെ അഗാതതയില്‍ വീണ പോലെ അവളുടെ മുഖം മാറുന്നത് ഞാന്‍ കണ്ടു.

ഒരു തെല്ലു പരിഭവത്തോടെ അവള്‍ പറഞ്ഞു, "നീ ഇല്ലാതെ എനിക്ക് മറ്റൊരു ജീവിതം ഇല്ല". ഞാന്‍ എത്ര പറഞ്ഞിട്ടും അവളുടെ തീരുമാനത്തില്‍ മാറ്റം ഉണ്ടായില്ല.

അവള്‍ക്കു തന്നോടുള്ള പ്രണയത്തിന്‍റെ തീവ്രതയില്‍ മതിമറന്ന എനിക്ക് ഇന്നലെ അവളുടെ വിവാഹ ക്ഷണക്കത്ത് കിട്ടി, ഇ മെയില്‍ ഇല്‍ എല്ലാവര്‍ക്കും ഉള്ളതില്‍ ഒരു കോപി എനിക്കും വെച്ചതില്‍ സന്തോഷം തോന്നി.

ഒന്നു ഓര്‍ത്തപ്പോള്‍ അവള്‍ പറഞ്ഞതില്‍ എന്താണ് തെറ്റ്. തെറ്റിയത് എനിക്കല്ലേ , ഞാന്‍ ഇപ്പോളും ജീവനോടെ ഉണ്ടല്ലോ ...

16 June 2011

വേനല്‍ മഴ..



പുറത്തു..മകരചൂട്‌..ഉരുക്കുകയാണു...എല്ലാറ്റിനെയും..ഞാനും ഉരുകുകയാണു...

വെയിലിനെ വക വെക്കാതെ... കുറെ നടന്നു...
ഈ  ചൂടിനേക്കാള്‍.. വലിയ.. ചൂടാണ് അകത്ത്

ഒരുപക്ഷെ.. ഇനി അവളെ കണ്ടെന്നു വരില്ല...
അടുത്ത മുപ്പതിന് ...അവളുടെ വിവാഹമാണ് 
ജീവനേക്കാള്‍ ജീവനായത്.. എന്‍റെ അല്ലാതാകുന്ന നാള്‍ 

എത്ര ശ്രമിച്ചിട്ടും.. അവള്‍ക്കുള്ള വിവാഹ സമ്മാനം...
കണ്ടെത്താന്‍.. എനിക്ക് കഴിയുന്നില്ല..
എന്ത് നല്‍കും.. ഞാന്‍ അവള്‍ക്കു..
എന്‍റെ പ്രണയത്തേക്കാള്‍ വലുതായി..


അതാ അവള്‍.. അവളുടെ അടുത്തേക്ക് അടുക്കും തോറും..
മനസ് നിയന്ത്രണം വിടുന്നു..

എവിടെ.. എനിക്കുള്ള വിവാഹ സമ്മാനം?"...ഒരു ചിരി.. ഒരായിരം കണികൊന്ന.. പൂക്കുന്ന മുഖവുമായി അവള്‍...


"കണ്ണടക്കുക"

ഞാന്‍...പക്ഷെ..എന്തു വെയ്ക്കും..ഈ നനുത്ത കയ്കളില്‍... എവിടെ നിന്നാണി മഴ പെയ്യുന്നത്...





അവളുടെ കയ്യിലെയ്ക്ക്‌ ഇറ്റ്‌ വീണത്‌..എന്‍റെ ഒരു തുള്ളി കണ്ണിരായിരുന്നു..


അവള്‍ മിഴി തുറക്കുമ്മുന്‍പു ഞാന്‍ മുഖം മാറ്റി...
"ഹായ്‌ ...മഴ തുള്ളി...ഇതു വരെ..എനിക്കു കിട്ടിയതില്‍ വെച്ച്‌
എറ്റവും നല്ല സമ്മാനം"


പുറത്തു മഴ പേയ്തു കൊണ്ടെ ഇരുന്നു...
അകത്തും..

13 June 2011

ഇരുളിനെ പ്രണയിക്കുമ്പോള്‍



ഇരുട്ട്, എങ്ങും വ്യാപിച്ചുകൊന്ടെയിരിക്കുന്നു 
പ്രകാശത്തിന്‍റെ തീവ്രകിരങ്ങളേക്കാള്‍, എനിക്കിപ്പോഴിഷ്ട്ടം അന്തകാരമാണ് 

പ്രകാശത്തിന്‍റെ ഒരു നൂലിഴക്കുപോലും ഇടനല്‍കാത്ത കൊടിയ അന്തകാരം ...

 ഞാന്‍ അതില്‍ പ്രകാശത്തെ കാണുന്നു, സ്വപ്‌നങ്ങള്‍ കാണുന്നു 
നിശബ്ദതയുടെ സുന്ദരമായ മറ്റേതോ ഒരു ലോകം കാണുന്നു 
അങ്ങ് ദൂരെ പ്രകാശത്തിന്‍റെ ഒറു തിരിനാളം കാണുന്നു 

ശല്യപ്പെടുത്താന്‍ ഒരു വവ്വാലിന്‍റെ ചിറകടി ശബ്ദം പോലുമില്ലാതെ 
തനിയെ, ഈ ലോകത്തിന്‍റെ മടിത്തട്ടില്‍, സ്വപ്നങ്ങളില്‍ അങ്ങനെ ഒഴുകി നടക്കണം

ഓര്‍മകളില്‍ കാണുന്ന സുന്ദരമായ നിമിഷങ്ങളുടെ പ്രകാശഗോപുരങ്ങളില്‍ കയറിനിന്നു 
പതിയെ താഴേക്കു ചാടണം, 
താഴെ മ്രിതിയണഞ്ഞു കിടക്കുന്ന പ്രണയത്തിനു കൂട്ടായി.

മഴയായ് പെയ്ത കണ്ണീര്‍ തുള്ളികളില്‍ താഴെ പ്രളയം തീര്‍ക്കുമ്പോള്‍ 
അതില്‍ മുങ്ങി അവസാന ശ്വാസത്തിനായി പിടയുമ്പോഴും, കാണുന്നു 


ഞാന്‍ 
ദൂരെ പരിഭവങ്ങള്‍ പറയാത്ത ഒരുമുഖം മാത്രം .... 

10 March 2011

നീലക്കുറിഞ്ഞികള്‍ പൂക്കാതിരിക്കുമ്പോള്‍





എന്ത് ചെയ്യണം, എങ്ങോട്ട് പോകണം ഒന്നും അറിയുന്നില്ല. കൂട്ടം തെറ്റി പറക്കുന്ന പക്ഷിയെപ്പോലെ തനിയെ എങ്ങോട്ടെന്നില്ലാതെ പറക്കുകയാണ് ഞാനിപ്പോൾ‍. ഇടക്ക് കാറ്റ് വീശുന്നുണ്ട്, മഴ പെയ്യുന്നുണ്ട്, ചിലപ്പോൾഅതെന്‍റെ മനസിന്‍റെ വിതുമ്പലാകാം. എല്ലാ സന്തോഷങ്ങളും, സൗഹൃദങ്ങളും ദിവസങ്ങളും, മാസങ്ങളും  കൊണ്ട്  മായ്ക്കപ്പെട്ടിരിക്കുന്നു. മനസ് പ്രക്ഷുബ്ദമായ കടൽപോലെ ഇരമ്പുകയാണ്. ഇനിയും വര്ഷങ്ങൾഎന്തിനോ വേണ്ടി കാത്തിരിക്കുന്നുണ്ട്. അറിയാതെ എപ്പോളോ കണ്ണ് നനയുന്നുണ്ട്, അതറിഞ്ഞിട്ടും അറിഞ്ഞില്ല എന്ന് നടിക്കുന്നതാണ് ഇന്നെനിക്കിഷ്ട്ടം, അല്ലെങ്കിൽ ചിലപ്പോളത് മറ്റു പലരെയും കൂടി വേദനിപ്പിച്ചെന്നു വരും അത്  എനിക്ക്  സഹിക്കാൻകഴിഞ്ഞെന്നു വരില്ല.




പ്രണയം ചിലപ്പോൾഅങ്ങനെയാണ് എണ്ണിയാൽ തീരാത്ത തിരമാലകൾകൊണ്ട്  രസിപ്പിക്കും,  ഒടുവിൽആർത്തട്ടഹസിച്ചു വരുന്ന ഒരു ബീമാകാരമായി അത്  എങ്ങോട്ടോ കൊണ്ട് പോകും ചുഴിയും, ഗർത്തങ്ങളും നിറഞ്ഞ മറ്റൊരു ലോകത്തേക്ക് . കുറെ മുങ്ങിയും, താഴ്ന്നും ഒടുവിൽ  അതിന്‍റെ ആഴങ്ങളിൽഎത്തുമ്പോൾആരോ കാത്തിരിക്കുന്നുണ്ടാവും 'മോനെ നീ വന്നുവോ' എന്ന് സ്നേഹത്തോടെ തിരക്കി ന്‍റെ സ്വന്തം കടലമ്മ. അപ്പോൾ ചോദിയ്ക്കാൻഒരു ചോദ്യം മനസ്സിൽ കരുതിവെച്ചിട്ടുണ്ട് ഞാൻ 'എന്തിനു വേണ്ടിയാണ്  നിന്നെ എന്നിൽനിന്നും അറുത്തെടുത്തു കൊണ്ടുപോയതെന്നു' അതിനുത്തരം പറയാതിരിക്കാന്കഴിയില്ല അവർക്ക്.


ഓരോ ശ്വാസം എടുക്കുമ്പോളും അതിൽഞാൻ പാതി നിനക്കായി കരുതിവെച്ചിരുന്നില്ലേ , എത്ര ദൂരെ ആണെങ്കിലും നിന്‍റെ  ഹൃദയത്തിന്‍റെ ഓരോ മിടിപ്പും ന്‍റെ നെഞ്ചിൽവന്നടിച്ചിരുന്നു, ഒരിക്കൽപോലും എനിക്ക്  നിന്നോട്  പിണങ്ങാൻകഴിയാഞ്ഞതെന്തേ, എല്ലാറ്റിനും ഉപരിയായി സ്നേഹത്തോടെ ഉള്ള ഒരു വിളി മാത്രം മതിയായിരുന്നില്ലേ നിനക്ക്  എല്ലാ വിഷമങ്ങളും മാറ്റുവാനായി. അന്ന് ഡിസംബർമൂന്നാം തിയതി പ്രണയത്തിൽ മൊട്ടിട്ട റോസാ പുഷ്പ്പങ്ങൾനിനക്ക് നേരെ നീട്ടിയപ്പോൾസന്തോഷത്തിന്‍റ നിറപോയ്കയിൽഅവ പുഞ്ചിരി തൂകുന്നത് ഞാൻകണ്ടു. പൂന്തേൻ നുകരാനെത്തിയ ചിത്രശലഭത്തിനെ പോലെ ദളങ്ങൾ നുകർന്നപ്പോൾതേൻതുള്ളികൾ കൊണ്ടെന്‍റെ ഹൃദയം നിറഞ്ഞു തുളുമ്പുകയായിരുന്നു.  

മറ്റേതോ ഒരു ലോകത്തിൽ ചെന്നെത്തിയത് പോലെ ആയിരുന്നു അപ്പോൾ‍, പിന്നീടെപ്പോഴും  നിനക്കുറങ്ങാൻ നെഞ്ചിലെ ചൂട് വേണമായിരുന്നില്ലേ. ശബ്ദം കേള്ക്കാതെ എനിക്കും ഉറങ്ങാൻ കഴിയാതിരുന്നതെന്തുകൊണ്ടാണ് . മൗനത്തിലും പരസ്പരം ഒരുപാട് വാക്കുകൾ ഒളിപ്പിച്ചു വെച്ച് നമ്മൾപ്രണയത്തിന്‍റെ താഴ്വരയിൽഒരുപാട് സ്വപ്നങ്ങൾ നെയ്തു തീര്ത്തില്ലേ

നിന്‍റെ ജന്മദിനം എങ്ങിനെ ആഘോഷിച്ചാലും എനിക്ക് മതിയാവില്ലായിരുന്നു അന്ന് നമ്മുടെ ആഘോഷങ്ങളിൽപങ്കു ചേരാൻമഴയായി നമ്മുടെ ക്ലാരയും ഉണ്ടായിരുന്നില്ലേ ഇടയ്ക്കെപ്പോലോ ചെറിയ കുസൃതിയായി അവൾഇടിമിന്നലുകൾ കാട്ടിയപ്പോൾന്‍റെ ജന്മദിനക്കാരി ശരിക്കും പെടിച്ചുപോയില്ലേ, ഒടുവിൽനെഞ്ചോട്ചേർത്ത് നിർത്തി നിനക്ക് ധൈര്യം പകർന്നപ്പോൾ  തൊട്ടാർവാടിയെ ഞാൻ കൂടുതൽ അടുത്തറിയുകയായിരുന്നു, സ്നേഹിക്കുകയായിരുന്നു ന്‍റെ ജീവനോളം.  

ന്‍റെ ജന്മദിനത്തിൽനീയും വാശിക്കാരിയായിരുന്നില്ലേ , അന്ന് നിന്‍റെ ശബ്ദത്തിൽവിരിഞ്ഞ ചെണ്ടുമല്ലി പൂക്കൾആയിരുന്നു എനിക്ക് കിട്ടിയ പ്രിയപ്പെട്ട പിറന്നാൾ‍  സമ്മാനം കൂടെ മനസ്സിൽഒളിപ്പിച്ചു വെച്ച നിന്‍റെ ചുംബനപ്പൂക്കളും. അന്ന് കേരള സാരി ഉടുത്ത് ചെറിയ നാണത്തോടെ ന്‍റെ മുന്നിൽ  നിന്ന നിന്‍റെ രൂപം എങ്ങിനെയാണ് എനിക്ക് മറക്കാനാവുക

ഇടിവെട്ടൽപോലെ മനസ്സിൽപോടുന്നെനെ ദേഷ്യം വരാറുണ്ടെങ്കിലും ന്‍റെ ശാസനകളെ ഒരിക്കൽ പോലും തള്ളിക്കളയാൻനിനക്ക് കഴിയാഞ്ഞതെന്തേ, സ്നേഹത്തിന്‍റെ കൊടിയ പര്വതങ്ങളിൽനമുക്കായി ദൈവം ആയിരം മുന്തിരിത്തോപ്പുകൾ തീര്ത്തപ്പോൾ അതിൽ‍ ഒരു പഴം പോലും പറിച്ചെടുക്കാതെ നമ്മൾ  മുന്തിരിവള്ളികളുടെ ലാളനയിൽഅന്തിയുറങ്ങിയില്ലേ.

എല്ലാ ദിവസങ്ങളിലും ആറു മണികൾ നമുക്കായി മാറ്റിവെക്കപ്പെട്ടത് എന്തിനായിരുന്നു, സാഹിത്യ അക്കാദമിയും, സംഗീത നാടക അക്കാദമിയും നമ്മുടെ പ്രിയപ്പെട്ട സ്ഥലങ്ങളായില്ലേ. മൃഗശാലയിലെ ഓരോ മൃഗങ്ങളും നമ്മുടെ ചങ്ങാതിമാരായിരുന്നില്ലേ. കാടും, പുഴകളും നമുക്കുവേണ്ടി പുതിയ സംഗീതമോരുക്കി കാത്തിരുന്നില്ലേ. നമ്മൾപ്രണയിക്കുകയായിരുന്നില്ലേ വാനോളം ഉയരത്തിൽ.

ഒരിക്കൽ  നിന്നോട് , ഞാന്വിളിച്ചാൽ നീ ഇറങ്ങി വരുമോ എന്ന് തിരക്കിയില്ലേ അന്ന് , കണ്ണീരിൽകുതിർന്ന വാക്കുകളാൽ നീ  കാതുകളിൽ പറഞ്ഞില്ലേ , വീട്ടുകാരെ വിട്ടു ഇറങ്ങി വരാൻ വിഷമം തോന്നണു എങ്കിലും നീ വിളിച്ചാൽ ഇറങ്ങി വരും ലോകത്ത് എവിടെക്കായാലും, സ്നേഹത്തിന്‍റെ അവസാന നിമിഷം വരെ നീ കൊതിച്ചതല്ലേ വിളിക്കായി.

സത്യൻഅന്തിക്കാടിന്‍റെ 'കഥ തുടരുന്നു' എന്ന ചിത്രം കണ്ടുകൊണ്ടിരുന്നപ്പോൾഎപ്പോഴോ അറിയാതെ ഞാൻനിന്‍റെ കൈകളിൽ അമർത്തിപ്പിടിച്ചു പോയത് നീ ഓർക്കുന്നില്ലേ, അതിൽ എവിടെയോ ഞാനില്ലാത്ത നിന്‍റെ  ചിത്രം എന്നെ വല്ലാതെ അസ്വസ്തനാക്കിയപോലെ തോന്നിയിരുന്നു

ഒടുവിൽഅവസാനമായി  "എന്നെ വിട്ടുകൊടുക്കല്ലേ", "എന്നെ വിട്ടകലല്ലേ" എന്ന നിന്‍റെ വാക്കുകൾ‍  ഒരു തീക്കനലായി ഇന്നും ന്‍റെ കാതുകളിൽമുഴങ്ങുന്നുണ്ട് അവ ന്‍റെ ഉറക്കങ്ങളെ അസ്വസ്ഥമാക്കുന്നു ..

ഒന്നുറങ്ങണമെന്നുണ്ട് എനിക്ക് ഒരിക്കൽപോലും നിന്നെ ഓർക്കാതെ, പക്ഷെ ഇനി നീ ന്‍റെതല്ല എന്ന സത്യം ഉൾക്കൊള്ളാൻഇനിയും എനിക്കുള്ളിൽഉണർന്നിരിക്കുന്ന ഞാൻസമ്മതിക്കുന്നില്ല..


Search Blog Post