"ഇന്നെനിക്ക് എത്ര ശ്രമിച്ചിട്ടും മഴയെ ഇഷ്ട്ടപെടാന്‍ ആവുന്നില്ല, നീ നല്‍കുന്ന തണുപ്പ് എന്‍റെ ഓര്‍മകളെ വല്ലാതെ നൊമ്പരപ്പെടുത്തുന്നു. എന്‍റെ നെഞ്ചിന്‍ കൂടിന്നും അപ്പുറം, നിന്‍റെ തണുപ്പില്‍, എന്‍റെ പ്രണയിനി, മറ്റൊരാളുടെ നെഞ്ചില്‍ ശയിക്കുമ്പോള്‍, എങ്ങിനെയാണ് എനിക്ക് നിന്നെ ഇഷ്ട്ടപ്പെടാനാവുക..."
മഴ ഓര്‍മകളുടെ നൊമ്പരം പോലെ , സ്വപ്നങ്ങളുടെ ഭാവം പോലെ, വെളുത്ത മഴത്തുള്ളികള്‍ വീണിടത്ത് ഒരു അടയാളം മാത്രം ശേഷിപ്പിച്ചു, ചിലപ്പോള്‍ കൂട്ടത്തില്‍ കൂടി എവിടെയോ അപ്രത്യക്ഷമാവുന്നു.
ഒന്നുറങ്ങണമെന്നുണ്ടെനിക്ക്, ഒരിക്കൽ‍ പോലും നിന്നെ ഓർക്കാതെ. പക്ഷെ, ഇനിയും നീ എന്‍റെതല്ലെന്ന സത്യമുൾക്കൊള്ളാൻ എനിക്കുള്ളിൽ‍ ഉണർ‍ന്നിരിക്കുന്ന, നീയെന്ന പ്രണയം വിസമ്മദിക്കുന്നു...

30 January 2024

നീലക്കുറിഞ്ഞികൾ പൂക്കാറില്ല


അറിയാം ഇനി നീയില്ല 
ഞാനെന്റെ ലോകത്തും
നീ നിന്റെ ലോകത്തും
തിരക്കിൽ പെട്ടിരിക്കുന്നു

ഓർമകൾക്ക് പോലും
വല്ലാത്ത മരവിപ്പ് 
മടുപ്പ്, വെറുപ്പ് 
തിരക്കിനോടോ
ഓർമകളോടോ

അറിയില്ല, പക്ഷെ ഒന്നറിയാം
ഓർമകളിൽ
മഷി പുരണ്ടു തുടങ്ങിയിരിക്കുന്നു 
എത്ര പരന്നാലും മായാത്ത 
ഹൃദയത്തിന്റെ ഏതോ കോണിൽ
കടും നീല നിറം 

നടക്കണം, ആ വഴിയിൽ ഇപ്പോൾ 
നീലക്കുറിഞ്ഞികൾ പൂക്കാറില്ലത്രേ 

Search Blog Post